Mama Pung Pasang

Nyong, mari Mama bilang ini: Nanti kalo Mama pung talinga su seng bisa dengar bae-bae, Mama pung mata seng bagus lai par balia, deng kalu Mama pung langka ni akang su kaya jaga pohong karing yang anging su batiop akang...Mama minta dari Nyong, jang lupa Mama sio..

Mama pung kata-kata ini akang kaluar palang-palang. Akang paleng tipis di ujung idong, mar paleng barat su kaya janji-janji akhir yang Antua mau bilang sebelum waktu ni akang datang ambe sagala-gala. Lia par mama pung biji mata akang paleng angat, cuma par pastikan saja kalo katong batul-batul dengar Antua pung kata-kata.

Mama tau dunia ni akang tarus baputar. Antua tau kalo beso-beso pas katong su basar, pasti katong akan pigi merantau kejar katong pe masa depan. Katong su baku muka deng dunia luas, bukang Mama pung kintal sapanggal di ruma yang tiap hari katong barmaeng di akang. Antua seng larang katong, Mama seng pernah tahang-tahang katong, kalo ini memang par katong pe masa depan. Cuma dari situ Mama pung pasang par katong supaya jang lupa Antua. Jang lupa Mama kalo Antua su seng bisa biking api di tungku par bamasa katong nasi goreng pucat; par pigi kabong, bacuci deng manyimpang su seng bisa lai.

Mama pung taku yang seng bisa Antua ucap, akang jadi beban yang paleng barat. Antua seng taku umur. Muka karepu jua Antua seng pastiu deng akang. Yang Antua paleng taku tu pas katong seng anggap Antua katong pe Mama lai. Lia ruma ni akang su sunyi. Kalo ada jam dinding yo, akang sandiri yang babunyi areng-areng. Seng ada katong pe suara. Seng ada katong pung bunyi tampa kaki. Mama paleng taku itu. Par Mama, ini rasa saki yang seng bisa tutup deng obat, biar doa lai.

Mama cuma ingin katong tahu kalo Antua pe cinta deng kasi sayang akang seng barenti pas rambu su baputih. Kalo Antua pung masa-masa tua seng jadi alasan par katong mau bajauh. Tapi samua ini kaya undangan. Undangan par katong biar katong bisa lia masa lalu pas Mama ada gendong buju katong. Mau kasi lia katong Antua pung pengorbanan, deng kabaya yang tiap saat akang siap par basika katong pe aer mulu deng ingos; Mama pung lutu yang badarah tagal cuma mau minta yang bae-bae dari Tete Manis par katong hidop.
Mama paleng baharap. Dari samua itu Antua harap katong seng akan berubah. biar antua tulang-tulang su kaya jaga karing, harap katong jadi jaga-jaga muda par batongka tolong Antua.

Mama seng baharap banya. Antua hanya minta katong pe kehadiran saat-saat Antua seng lae kuat. Antua minta katong pung pelukan. Pelukan yang dolo pertama kali katong rasakan pas katong baru kaluar dari Mama pung poro. Jaga inga, kalo ini bukang beban. Ini harapan. Ini kehormatan. Katong jaga Mama itu bukang par katong mau balas Mama pung aer mata deng aer badang. Ini bukang balasan. Ini bukang tugas, bukang jua kewajiban. Samua ini adalah Cinta deng Kasih Sayang yang akang bale pulang di akang pe tampa asal.

Jaga Mama itu bae-bae. Jaga Antua pas Antua masi deng kamong. Karna nanti kalu Antua su seng ada, akang saki seng sadiki. 


~yokipetra

Location: Asrama Putera UNPATTI, Rumah Tiga, Kec. Tlk. Ambon, Kota Ambon, Maluku, Indonesia

Komentar

Posting Komentar

Postingan populer dari blog ini

Paradoks Nafas Seorang Pendosa

Gambar
  Pernah, dalam suatu masa ketika hatinya menjadi padang tandus, laki-laki itu mulai percaya bahwa hidup akan jauh lebih leluasa tanpa Tuhan. Ia membayangkan dunia seperti panggung yang seluruh lampunya ditujukan padanya—tanpa aturan, tanpa konsekuensi, tanpa suara yang berkata “ hentikan ” ketika ia membiarkan dirinya jatuh lebih dalam. Ia yakin bahwa jika Tuhan tidak ada, maka tidak ada pula beban moral, tidak ada ketakutan, dan tidak ada lagi bayangan yang menuntutnya kembali pada jalan sempit itu. Ia mengira dirinya bisa menjadi raja di dalam kerajaannya sendiri—sebuah kekuasaan gelap yang mengizinkannya melakukan apa pun tanpa rasa bersalah.  Dalam pikirannya, ketiadaan Tuhan berarti kebebasan yang absolut. Namun pada kenyataannya, itu justru menjadi pintu menuju kekosongan yang lebih luas daripada apa pun yang pernah ia rasakan. Ia mulai menapaki jalan itu, dan setiap langkah terasa seperti turun satu anak tangga menuju ruang yang tak bernama. Semakin jauh ia melangkah, ...
Mari La Baca »

Salamat Malam Kajadiang Ma

Gambar
Malam Kajadiang akhirnya datang kombali. Tapi kali ini akang datang bawa suasana yang sadiki berbeda dari taong-taong yang su lalu. Seng ada pulang kampung, seng ada babou kue karing, seng ada suara piring, deng yang paleng berharga tapi su seng ada lai adalah Mama.  Malam ini hanya beta deng satu buah lilin kecil di dalam kamar kos. Cuman bisa dudu baku lia sampe aer mata manetes di lante tagal cuma rindu kampong. Baru taong kamaring ada pulang beking Natal deng Mama, taong ini su seng bisa lai. Akang paleng barat  δΈ€ akang paleng saki. Kanapa taong ini pono-pono deng duka? di saat beta pung hari-hari bahagia yang mestinya ada Mama di samping, Mama batul-batul su seng ada. Carita yang pono deng suka akang barubah jadi duka. Kanapa la Tuhan? beta salah apa ka? Kalo bukang karna kehilangan, beta seng mungkin kaya orang ada bangepet. Kaluar bajalang pancuri orang pung tarang-tarang yang beta tau samua itu sama sha. Beking diri su kaya yang paleng hebat. Bajalang katawa kiri kanan...
Mari La Baca »